Latest Top Punjabi Poetry of Writer Ranjot Singh

Poet/Writer: Ranjot Singh 

ਰੱਬ ਤੋਂ ਕੀ ਮੰਗਿਆ / Rabb To Ki Mangea By Ranjot Singh - Poem by Ranjot Singh

*ਰੱਬ ਤੋਂ ਕੀ ਮੰਗਿਆ*

ਬਿਨਾਂ ਮੰਗੇ ਮਿਲ ਗਏ ਦਰਦ ਬਹੁਤ
ਅੱਜ ਰੱਬ ਤੋਂ ਮੈਂ ਤੈਨੂੰ ਮੰਗਿਆ
ਮੰਗਣਾ ਤਾਂ ਬਹੁਤ ਕੁਝ ਸੀ
ਪਰ ਮੈਂ ਤੈਨੂੰ ਮੰਗਿਆ

ਰੱਬ ਕਹਿੰਦਾ ਹੋਰ ਵੀ ਮੰਗ ਲੈ ਤੂੰ
ਮੈਂ ਕਿਹਾ, ਦੇ ਦਿਓ ਖੁਸ਼ੀਆ ਹਜ਼ਾਰ ਉਹਨੂੰ
ਰਹੇ ਹਸਦੀ ਖਿੜੇ ਗੁਲਾਬ ਵਾਂਗੂੰ
ਕਦੇ ਦੁੱਖ ਨਾ ਆਵੇ ਉਹਦੀ ਜ਼ਿੰਦਗੀ 'ਚ
ਉਹ ਮਹਿਕਦੀ ਰਹੇ ਬਹਾਰ ਵਾਂਗੂੰ

ਰੱਬ ਕਹਿੰਦਾ ਹੋਰ ਵੀ ਮੰਗ ਲੈ ਅੱਜ
ਮੈਂ ਕਿਹਾ, ਦੇਣਾ ਤਾਂ ਉਹਦਾ ਦਿਦਾਰ ਦੇ ਦੇ
ਉਹ ਵੀ ਕਰੇ ਪਿਆਰ, ਜਿਵੇਂ ਮੈਂ ਕਰਾ
ਉਹ ਵੀ ਸੋਚੇ, ਜਿਵੇਂ ਮੈਂ ਸੋਚਾਂ
ਉਹ ਵੀ ਚਾਹਵੇ ਜਿਵੇਂ ਮੈਂ ਚਾਹਵਾਂ
ਬਸ ਹੋਰ ਕੁਝ ਨਹੀਂ ਚਾਹੀਦਾ ਮਾਲਕਾ
ਉਹਦੀ ਜਿੰਦਗੀ ਦਾ ਇੱਕ ਸਾਥ ਦੇਦੇ
**ਰਣਜੋਤ ਸਿੰਘ**

Ranjot Singh

*******************************

ਕੁਝ ਲਿਖਿਆ Kuch Likhyea Punjabi Poetry By Ranjot Singh - Poem by Ranjot Singh

ਕੁਝ ਲਿਖਿਆ ਪਾਕ ਮੁਹੱਬਤ ਲਈ
ਕੁਝ ਲਿਖਿਆ ਦਰਦ ਵਿਛੋੜੇ ਲਈ

ਕੁਝ ਲਿਖਿਆ ਰਾਵੀ ਕੰਢੇ ਲਈ
ਕੁਝ ਲਿਖਿਆ ਦੇਸ਼ ਦੇ ਵੰਡੇ ਲਈ

ਕੁਝ ਲਿਖਿਆ ਰੁਖਾਂ ਸੁਖਾਂ ਲਈ
ਕੁਝ ਲਿਖਿਆ ਸ਼ਾਮ ਹਨੇਰੇ ਲਈ

ਕੁਝ ਲਿਖਿਆ ਸੂਰਜ ਚੜ੍ਹਦੇ ਲਈ
ਕੁਝ ਲਿਖਿਆ ਬੱਦਲ ਭੱਜਦੇ ਲਈ

ਕੁਝ ਲਿਖਿਆ ਪਾਣੀ ਚੱਲਦੇ ਲਈ
ਕੁਝ ਲਿਖਿਆ ਆਪਣੇ ਵੱਲ ਦੇ ਲਈ

ਕੁਝ ਲਿਖਿਆ ਪਿਆਰ ਪਰਵਾਨੇ ਲਈ
ਕੁਝ ਲਿਖਿਆ ਪਿਆਰ ਬਿਆਨੇ ਲਈ

ਕੁਝ ਲਿਖਿਆ ਪਿਆਰ ਆਪਣੇ ਲਈ
ਕੁਝ ਲਿਖਿਆ ਪਿਆਰ ਬੇਗਾਨੇ ਲਈ

ਕੁਝ ਲਿਖਿਆ ਉਨ੍ਹਾਂ ਥਾਵਾਂ ਲਈ
ਕੁਝ ਲਿਖੀਆਂ ਉਨ੍ਹਾਂ ਰਾਹਵਾ ਲਈ

ਕੁਝ ਲਿਖਿਆ ਦਿਲਾਂ ਦੇ ਦੀਪਾਂ ਲਈ
ਕੁਝ ਲਿਖਿਆ ਦਿਲਾਂ ਦੇ ਪ੍ਰੀਤਾਂ ਲਈ

ਕੁਝ ਲਿਖਿਆ ਯਾਰਾਂ ਬੇਲੀਆਂ ਲਈ
ਕੁਝ ਲਿਖਿਆ ਉਹਨਾਂ ਸਹੇਲੀਆਂ ਲਈ

ਕੁਝ ਲਿਖਿਆ ਛੱਲੇ ਗਾਨੀ ਲਈ
ਕੁਝ ਲਿਖਿਆ ਪਿਆਰ ਨਿਸ਼ਾਨੀ ਲਈ

ਕੁਝ ਲਿਖਿਆ ਤੈਨੂੰ ਪਾਵਣ ਲਈ
ਕੁਝ ਲਿਖਿਆ ਤੈਨੂੰ ਚਾਵਣ ਲਈ

ਕੁਝ ਲਿਖਿਆ ਤੈਨੂੰ ਮਨਾਉਣ ਲਈ
ਕੁਝ ਲਿਖਿਆ ਤੈਨੂੰ ਖੋਹਣ ਲਈ

ਕੁਝ ਲਿਖਿਆ ਤੇਰਾ ਹੋਣ ਲਈ
ਕੁਝ ਲਿਖਿਆ ਹੈ ਮੈਂ ਰੋਣ ਲਈ


ਲਿਖਣਾ ਤਾਂ ਬਹੁਤ ਕੁੱਝ ਸੀ ਜੋਤ
ਪਰ ਲਿਖਿਆਂ ਦਿਲ ਸਮਝਾਉਣ ਲਈ
ਪਰ ਲਿਖਿਆਂ ਦਿਲ ਸਮਝਾਉਣ ਲਈ

***ਰਣਜੋਤ ਸਿੰਘ***

Ranjot Singh

***************************

Ik Ardass Punjabi Poetry By Ranjot Singh - Poem by Ranjot Singh

"ਇਕ ਅਰਦਾਸ"

ਵਾਲੀਆਂ ਖੁਸ਼ੀਆਂ ਦੀ ਭੁੱਖ ਕੋਈ ਨਾ
ਜੋ ਦਿੱਤਾ ਉਹਦਾ ਦੁੱਖ ਕੋਈ ਨਾ
ਤੇਰੀ ਰਜ਼ਾ ਵਿਚ ਰਹਿਣਾਂ ਹਰ ਪਲ
ਆਉਂਦੇ ਲੱਖਾਂ ਦੁੱਖ, ਕੋਈ ਨਾ

ਰਹਿੰਦਾ ਹਰ ਪਲ ਨਾਲ ਮੇਰੇ
ਪਿਆਰਾਂ ਜਾ ਅਹਿਸਾਸ ਤੇਰਾ
ਕਰਾ ਦੁਆਵਾਂ ਤੇਰੇ ਦਰ ਤੇ
ਨਿਮਾਣਾ ਜਾ ਪਰਵਾਸ ਮੇਰਾ

ਹੰਕਾਰ ਨੂੰ ਨੀਵਾਂ ਰੱਖੀ ਮਾਲਕਾ
ਗੁੱਡੀ ਭਾਵੇਂ ਚੜ੍ਹ ਜਾਵੇ
ਨਾਲ ਤੂੰ ਮੇਰੇ ਰਹੀ ਮਾਲਕਾ
ਕੁੱਲੀ ਭਾਵੇਂ ਸੜ ਜਾਵੇ

ਰਣਜੋਤ ਸਿੰਘ

Ranjot Singh